Gemeente Gulpen-Wittem

Gulpen-Wittem is op 1 januari 1999 ontstoan uut de samenvoeging van de gemeenten Gulpen en Wittem. Dit gebeurden op verzeuk van de gemeenten zelf. Beide gemeenten hadden tiedens et samengoan rundumme 8.000 inwonners, moar Wittem was met 4250 bunder groter as Gulpen met 3077 bunder. Et gemeentehoes van Gulpen bevond zich in et geliekgeneumde darp en hef vandage in de ni-je gemeente zienn toak as gemeentehoes beholden. Dat van Wittem stoand (vanof 1986) in Mechelen in nen kasteelhove, vandage in gebruuk as “zorghotel”.

De gemeente ligt in ’t Zuud-Limburgse Heuvelland en is gans landelek en riek an kastelen, vakwarkhuze en andere olde monumentoalen boerderi-jen. Joarleks trök Gulpen-Wittem völle kiekleu an uut ’t ganse laand vanwaege ’t veur Nederlaand zeldzaome gleujende laandschap met heure bekken en dallen, veural in de zommer. Et toeristiese Miljoonenlientjen löp deur n deel van de gemeente en hef haltes in Eijs en Wielre. In Gulpen-Wittem ligt den meest zudeleken plek van Nederlaand, noamelek ter heugte van grenspoal 12 bi-j ’t Belgiese kasteel Beusdaal. Et zudelekste karkdarp bevundt zich in de gemeente Iesden, moar de zudelekste plaatse is n buurtschop zudelek van Epen.